//全自購// 爛面復原之旅Part one - 本地品牌Little Star Dust 用後感
大約一月嘅時候試左一支新精華(遲啲講返係邊支dklm)之後，全面，係全面，都生左好多石頭瘡。個排真係非常崩潰，咁啱睇到好多呢個牌子嘅好評，所以DM問完客服之後就入手下面嘅product一試。利申我自己買架，下面都係誠實用後感。
✨STARRYTALE N.3 Wonder Mask
HKD$338 / 30ml x 5片
最最最多人推介呢個mask，主打功能是修復，抗炎保濕及嫩膚。
用落即時效果真係好明顯嘅！大家請睇第五張圖，敷完皮膚嘅水份即時提升好多，發緊炎嘅暗瘡會收細左，紅腫嘅地方都會減淡。效果我覺得冇其他人講維持得咁耐，大概最多都係三日到啦。
我用完一盒都有再回購第二盒，雖然佢嘅價錢真係比較貴，一塊幾乎夠我我買一盒嘉丹，但係我覺得喺爛面嘅時候用係值嘅。
反而如果你皮膚冇咩狀況，呢塊就只係一塊保濕mask，唔會覺得呢塊面膜有咩咁神奇，所以我覺得當你皮膚唔好嘅時候先買黎急救用啦。
✨MMIRACLE+ SOS 神仙膏
HKD$280 / 20g
呢盒都係佢哋嘅王牌暗瘡膏，有薄荷成份，所以一開頭查落去嘅時候涼涼地係正常嘅。
無論係有傷口定係無頭嘅石頭瘡，佢都有幫助。佢唔係查一日就見效，但係keep住搽佢會令到你粒暗瘡冷靜啲🤣冇咁腫痛。如果係比較細粒嘅暗瘡，佢會令粒暗瘡慢慢消失。就算係石頭瘡，佢都會慢慢令到佢平復返。
另一個好處就係佢冇平時啲暗瘡膏咁乾，查得太密都係會有少少甩皮，但係對乾性皮膚來講我覺得算係好溫和。可能因為佢冇咁乾嘅關係，暗瘡好返之後嘅印都易退少少。
✨MMIRACLE+ SOS 奇蹟藍膜
HKD$380 / 100g
呢盒面膜我就好失望，用晒成盒都唔覺得佢有修復舒緩功能，連最基本嘅保濕都無乜🤣
佢個簡介仲寫「皮膚越差 效果越明顯」，我嗰時啲皮膚夠差啦掛🤣但係係我身上都無咩特別🤣🤣價錢都唔平㗎😭所以我覺得呢盒真心唔使試。
N3 mask連埋暗瘡膏用左五日到，皮膚都好左啲。
之後呢幾個月我仲有keep住用暗瘡膏，不過皮膚穩定左就暫時冇再買N3 mask啦。反而用其他方法清潔同去印，而家已經好返好多啦，遲啲再分享Part two!
如果大家用過 @littlestardustc 好用嘅產品都留言話我知，我都想趁佢地兩週年優惠入手🤙🏻🤙🏻
見字覺得啱睇嘅話請follow, save, comment, like @sharedomo 謝謝大家
#hkreview #hkbeautyreview #hkbeautyshare #用後感 #美容分享 #化妝品分享 #護膚品分享 #instamakeup #bblogger #makeuphk #hkig #popdaily #populzzang #voguebeauty #presslogicbeauty #makeupreview
Search